နွယ်သာကီ ၆ လမ်း မှ ဇတ်လမ်းဆန်ဆန် လူသတ်မှု အမှုမှန်ပေါ်ပြီ

၁၃.၁၀.၂၀၁၁ရက်နေ့ ည ၁၁ နာရီ ၃၀မိနစ် အချိန်တွင် အရက်သောက်ပြီး စကားများရန်ဖြစ်ကာ အုပ်စုဖွဲ့၍ မြောက်ဥက္ကလာပမြို့နယ် ဝေဘာဂီ လမ်းနှင့် ဗိုလ်ချုပ်လမ်းထိပ်တွင် အပြန်အလှန်ရိုက်နှက်ခဲ့သော ဖြစ်ရပ်တစ်ခု ဖြစ်ခဲ့ပါတယ်။ ထိုဖြစ်ရပ်ကြောင့် ဝေဘာဂီမြို့သစ် ဗိုလ်ချုပ်လမ်းထိပ် နှင့် နွယ်သာကီလမ်းထိပ်တို့တွင်

နယ်မြေခံ ဝေဘာဂီရဲစခန်းမှ ဒုရဲအုပ်ထွန်းတင်ဦး အပါအ၀င် တပ်ဖွဲ့ဝင် (၅)ဦး၊ ရပ်ကွက်အုပ်ချုပ်ရေးမှုး နှင့် ရာအိမ်မှုး၊ ဆယ်အိမ်မှုး(၇) ဦးတို့မှ ရပ်ကွက် (၂) ရပ်ကွက်ကြား လုံခြုံရေးပြုလုပ်ပေးခဲ့ရပါတယ်။


ဖြစ်ပွားပုံကတော့ (က) ရပ်ကွက်၊ နွယ်သာကီ(၈)လမ်း အမှတ်-၂၉၀ နေ ကိုအေးလွင်(ခ)ကိုအီစွပ် နှင့် (က)ရပ်ကွက်၊ နွယ်သာကီ(၈)လမ်းနေ ကိုကျော်မင်းတို့သည် ဝေဘာဂီမြို့သစ်ထိပ်ရှိ အလင်းအိမ် စားသောက်ဆိုင်တွင် အရက်သောက်ကြရင်း အမှတ်-၅၅၆၊ ကနောင်လမ်း၊ ဝေဘာဂီမြို့သစ်နေ ကိုသက်ဦးဆိုသူ၏ သားဖြစ်သူ သက်ဇော်တို့ အရက်ဝိုင်းနှင့် စကားများခဲ့ကြရာမှ လမ်းမပေါ်သို့ရောက်ရှိပြီး ကိုသက်ဦးနှင့် သူ၏သားပါဝင်သော အုပ်စုမှ နွယ်သာကီ(၈)လမ်းနေ ကိုအီစွပ်နှင့် ကိုကျော်မင်းတို့ကို ရိုက်နှက်လွှတ်လိုက်၍ ကိုကျော်မင်းတွင် ဦးခေါင်းနောက်စေ့၌ သုံးလက်မခန့် ပေါက်ပြဲဒဏ်ရာရရှိသွားပြီး၊ ကိုအီစွပ်တွင် မျက်နှာဖူးရောင် ဒဏ်ရာနှင့် လက်များတွင် ပွန်းပဲ့ဒဏ်ရာများ ရရှိသွားခဲ့ကြပါတယ်။ ဖြစ်ပွားသောနေရာမှာ (က)ရပ်ကွက်ဘက်သို့ သွားလျှင် နွယ်သာဂီ (၈)လမ်း၊ (၇)လမ်း တို့နှင့် ကပ်လျှက်ရှိပြီး ကိုကျော်မင်း၏ မိသားစုအသိုင်းအ၀ိုင်းများရှိသလို ဝေဘာဂီမြို့သစ်ဘက်သို့ သွားလျှင်လည်း ကိုသက်ဦး၏ မိသားစုအသိုင်းအ၀ိုင်းများ ကပ်လျှက်ရှိနေသဖြင့် တဘက်နှင့်တဘက်၊ တစ်မိသားစုနှင့်တစ်မိသားစု၊ တစ်ရပ်ကွက်နှင့်တစ်ရပ်ကွက် အခြင်းပွားနိုင်သည်ကို ကြိုတင်မှန်းဆ၍ မြို့နယ်ရဲတပ်ဖွဲ့ အကြီးအကဲများနှင့် မြို့နယ် အုပ်ချုပ်ရေးအဖွဲ့တို့မှ ထိုနေရာအားလုံခြုံရေးချထားတာ တွေ့ခဲရပါတယ်။

၁၈.၁၀.၂၀၁၁ ရက်နေ့တွင် (က)ရပ်ကွက်အုပ်ချုပ်ရေးမှုး ဦးမင်းဒင်အဖွဲ့ နှင့် ဝေဘာဂီရပ်ကွက် အုပ်ချုပ်ရေးမှုး ဦးစိန်ဝင်းအဖွဲ့တို့ပေါင်း၍ ရပ်မိရပ်ဖများ နှင့် တွေ့ဆုံပြီး တစ်ရပ်ကွက်နှင့်တစ်ရပ်ကွက် ပြဿနာပိုမိုရှည်လျားမှု မဖြစ်ပေါ်စေရေး၊ အညှိုးအတေးမထားစေရေးအတွက် (က)ရပ်ကွက်အုပ်ချုပ်ရေးမှုး ရုံးတွင် နယ်မြေခံဝေဘာဂီရဲစခန်းအဖွဲ့၊ အခြားဌာနဆိုင်ရာအဖွဲ့များ၊ နွယ်သာကီ (၈)လမ်း ရာအိမ်မှုး ဦးကျော်ဦး၊ ရာအိမ်မှုး ဦးဟန်စိန်၊ ရာအိမ်မှုး ဦးမောင်ပါ တို့သည် ကိုသက်ဦးမိသားစု အပါအ၀င် ဒါဏ်ရာရရှိသူ ကိုအေးလွင်(ခ) ကိုအီစွပ် တို့ကိုတွေ့ဆုံညှိနှိုင်း ဖြေရှင်းပေးခဲ့ကြပါတယ်။ တစ်ယောက်နှင့် တစ်ယောက်၊ တစ်ရပ်ကွက် နှင့် တစ်ရပ်ကွက် ကြေအေးကျေနပ်ခဲ့ကြပြီး လိုအပ်သော ဆေးဝါးကုသမှုနှင့် ထောက်ပံ့မှုများကို ကိုသက်ဦးမိသားစုဘက်မှ ကိုအီစွပ်အား ထောက်ပံ့ပေးခဲ့ပါတယ်။ ကိုကျော်မင်းမှာမူ ဤသို့ပြဿနာဖြစ်တိုင်း (၂)ရက်၊(၃)ရက် ခန့် ရှောင်နေတတ်သဖြင့်ဖြေရှင်းပေးသည့်အထဲတွင် ပါဝင်ခဲ့ခြင်းမရှိပါ။ တာဝန်ရှိ နယ်မြေခံ ဝေဘာဂီရဲတပ်ဖွဲ့ဝင်များနှင့် ရာအိမ်မှုး၊ ဆယ်အိမ်မှုး တို့မှ လိုက်လံရှာဖွေသော်လည်း မတွေ့ရှိခဲ့ပါ။

ထို့နောက် (၁၂) ရက် ခန့်အကြာ ၂၅.၁၀.၂၀၁၁ ရက်နေ့တွင် ကိုကျော်မင်းမှာ နွယ်သာကီ(၈)လမ်းနေ ဒေါ်ခင်ကြည်၏ နာရေးသို့လာရောက်ခဲ့ပါတယ်။ နေ့ခင်း (၂)နာရီခန့်တွင် ဝေဘာဂီလမ်းနှင့် နွယ်သာကီလမ်းဆုံရှိ လက္ဘရည်ဆိုင်တွင် ထိုင်နေချိန် ကိုသက်ဦး၏သား သက်ဇော်က လမ်းမပေါ်မှ ပြုံးပြ၍ ကိုကျော်မင်းမှ “မင်းဘာကြည့်တာလဲ လာဦး”ဟုလှမ်းခေါ်သဖြင့် သက်ဇော်မှာ ဝေဘာဂီရှိသူ၏ဖခင် ကိုသက်ဦးကို သွားရောက်ပြောကြားသည်ကို နယ်မြေခံရဲတပ်ဖွဲ့မှ သိရှိသွားပြီး ကိုကျော်မင်းနှင့် ကိုသက်ဦးတို့ ထပ်မံ အချင်းပွားနိုင်သောကြောင့် ဒုရဲအုပ် ထွန်းတင်ဦး အပါအ၀င်ရဲတပ်ဖွဲဝင်(၅)ဦး၊ (က)ရပ်ကွက်အုပ်ချုပ်ရေးမှုး ဦးမင်းဒင်အပါအ၀င် ရုံးအဖွဲ့ (၇)ဦးခန့် မှာ နှစ်ရပ်ကွက်ကြား လမ်းဆုံတွင် လုံခြုံရေးထပ်မံချထားပေးခဲ့တာတွေ့ရပါတယ်။ ထိုနေ့ညနေ (၄)နာရီခန့်အချိန်တွင် ကိုကျော်မင်းမှာ “6star” အရက်ဆိုင်တွင် အရက်သောက်နေကြောင်းသိရှိ၍ နယ်မြေခံရဲတပ်ဖွဲ့နှင့် အုပ်ချုပ်ရေးမှုးဦးမင်းဒင်တို့သည် ကိုကျော်မင်းအားသွားရောက်ခေါ်ဆောင်လာကာ အုပ်ချုပ်ရေးမှုးရုံးတွင် တစ်ဖက်နှင့် တစ်ဖက် ကျေနပ်မှုရှိရန်၊ သည်းခံစိတ်ထားရန် နှင့် အညိုးအတေးမထားရန် ဖြောင်းဖြပြောဆိုဆုံးမခဲ့ပြီး ကျေနပ်သည့် အရိပ်အရောင်ပြသဖြင့် ကိုသက်ဦးနှင့်ဇနီး မသီတာတို့အား ထပ်ပြီးခေါ်ဆောင်၍ ထပ်မံညှိနှိုင်းပေးခဲ့ရာ ကိုသက်ဦးတို့ဘက်မှ တောင်ပန်ခဲ့ပါတယ်။ ကိုကျော်မင်းမှာ သူ၏ဦးခေါင်းတွင် ဒဏ်ရာရခဲ့ကြောင်း ကိုသက်ဦးအိမ်ရှေ့သို့ လိုက်ထရက် ကားနှင့်သွားရောက်ကြိမ်းမောင်းခဲ့စဉ်က ကားရှေ့ဘန်ကာပိန်ခဲ့ကြောင်းပြောကြားသည့်အတွက် ကိုသက်ဦးတို့ဘက်မှ နစ်နာကြေးထပ်မံပေးခဲ့ပြီး အုပ်ချုပ်ရေးမှုးရုံး၌ ဒုတိယအကြိမ် ကြေအေးလက်မှတ် ရေးထိုးခဲ့ကြပါတယ်။ ထိုအချိန်က ကိုကျော်မင်းအား ရိုက်နှက်ခဲ့သူမှာ ကိုသက်ဦးမဟုတ်သော်လည်း ကိုသက်ဦး၏တူဖြစ်သူ ကိုမျိုးကြီးနှင့် သူ၏ပထွေး ကိုဇော်မင်းတို့ ဖြစ်ကြောင်း ထိုသူတို့ကိုလည်းလာရောက်တောင်းပန်စေလိုကြောင်း ပြောကြားခဲ့ပါတယ်။

၁၀.၁၁.၂၀၁၁ရက်နေ့(တန်ဆောင်မုန်းလပြည့်နေ)တွင် (က)ရပ်ကွက် (နွယ်သာကီရပ်ကွက်) အနေဖြင့် ဆွမ်းဆံဆိမ်း လောင်းလှုသည့်နေ့ဖြစ်သဖြင့် လမ်းများတလျှောက်၌ လူသွားလူလာများကာ စည်ကားလျှက်ရှိပါတယ်။ ထိုနေ့ညနေ(၃)နာရီခန့်တွင် ကိုကျော်မင်းမှာ ဝေဘာဂီလမ်းဆုံအနီးရှိ ကွမ်းယာဆိုင်တွင် ကွမ်းဝယ်နေသူကိုမျိုးကြီးအား တွေ့ရှိသွား၍ ကိုကျော်မင်းအပါအ၀င် လူသုံးဦးမှ ၀ိုင်းဝန်ထိုးကျိတ်ခဲ့ရာ အနီးအနားရှိ (က)ရပ်ကွက်သူရပ်ကွက်သားများနှင့် ရပ်ကွက်အုပ်ချုပ်ရေးမှုးဦးမင်းဒင်တို့မှ ဖြန်ဖြေပေးခဲ့ရပါတယ်။ ကိုသက်ဦး၏တူ ကိုမျိုးကြီးမှာ ဖူးရောင်ဒဏ်ရာများနှင့် သွားများနဲ့ခဲ့ သဖြင့် သူ၏ပထွေး ကိုဇော်မင်းအား သွားရောက်ခေါ်ဆောင်သဖြင့် ကိုဇော်မင်းတို့အဖွဲ့မှာ တုတ်များ၊ ဒါးများဖြင့်လိုက်လာပြီး ကိုကျော်မင်းရှိနေသော အလင်းအိမ်စားသောက်ဆိုင်အတွင်းသို့ ၀င်ရောက်လာရာ ကိုကျော်မင်းမှာ စားသောက်ဆိုင်ရှိ ဒါးရှည်အားဆွဲကိုင်ပြီး ပြန်လည်တိုက်ခိုက်မည်ပြုသော်လည်း ကိုမျိုးကြီးနှင့် ကိုဇော်မင်းတို့အဖွဲ့မှာ လူများသဖြင့် ဖြတ်လမ်းဖြစ်သည့် သစ်သားတံတားပေါ်မှ နွယ်သာကီ(၈)လမ်းသို့ထွက်ပြေးသွားခဲ့ပါတယ်။ ကိုကျော်မင်းထွက်ပြေးစဉ် ကိုဇော်မင်းက ဒါးနှင့်လှမ်းပေါက်သဖြင့် ထိုဒါးအားနွယ်သာကီ(၈)လမ်းနေသူများ ရရှိသွားရာ “ကိုကျော်မင်းကိုဒါးနှင့် လိုက်ခုတ်သည်”လို့တောင်မှ အသံထွက်ခဲ့သေးတယ်။ အဲ့သည့်အသံကြောင့်ပဲ ဒုရဲအုပ်ထွန်းတင်ဝင်းပါသောတပ်ဖွဲ့ဝင်(၅)ဦး၊ (က)ရပ်ကွက် အုပ်ချုပ်ရေးမှူးပါသော အဖွဲ့ဝင်(၇)ဦးတို့မှ နှစ်ရပ်ကွက်ကြား ခိုက်ရန်ဖြစ်ပွားမှုမဖြစ်စေရေးအတွက် နှစ်ရပ်ကွက်ကြားရှိလမ်းဆုံတွင် လုံခြုံရေးချထားပေးခဲ့တာတွေ့ရတယ်လေ။ တန်ဆောင်မုန်လပြည့်နေ့ ဆိုတော့ လမ်းတွေပေါ်မှာလဲ ဆွမ်းဆန်ဆိမ်း လောင်းလှုသူများ၊ အလှုပေးသူများနှင့် အပြည့်ဆိုတော့ မကြာခင်မှာပဲ တစ်ရပ်ကွက်နှင့် တစ်ရပ်ကွက် အေးချမ်းသွားခဲ့တယ်လေ။ ဒါပေမယ့်လဲ ရပ်ကွက်အုပ်ချုပ်ရေးမှုး ဦးမင်းဒင် နှင့် ဒုရဲအုပ်ထွန်းတင်ဦး တို့မှ နေ့ထူးနေ့မြတ်ဖြစ်သဖြင့် ပြဿနာထပ်မံမဖြစ်ပွားစေရန် နှင့် တစ်ရပ်ကွက်နှင့် တစ်ရပ်ကွက် ရုန်ရင်းဆန်ခတ် မဖြစ်စေလိုသဖြင့် ကိုကျော်မင်းနှင့် ကိုသက်ဦးတို့ဘက်အား ညှိနှိုင်းပေးရန် ကိုကျော်မင်းအား နွယ်သာကီ(၈)လမ်းရှိနေအိမ် ကိုသွားခေါ်ကြတယ်လေ။ ဒါပေမယ့်ကိုကျော်မင်းကိုမတွေ့ ခဲ့ရပါဘူး။ ကိုကျော်မင်းမိသားစုက ရပ်ကွက်အုပ်ချုပ်ရေးမှုးကို “ကျော်မင်းကိုဘာကြောင့်လာဖမ်းရတာလဲ သူကဒါနဲ့ခုတ်ခံရတာကို”ဟုပြောသေးတယ်လေ။ ဒါနဲ့ အုပ်ချုပ်ရေးမှုးနဲ့ ရဲတပ်ဖွဲ့ကနေပြီးတော့ “ကိုကျော်မင်းကိုလာဖမ်းတာ မဟုတ်ပါဘူး။ လမ်းဆုံမှာကိုကျော်မင်း က သက်ဦးတူအား ထိုးကျိတ်ခဲ့ သောကြောင့် အခုလိုဖြစ်ရတာပါ ဒါကြောင့် ညှိနှိုင်းပေးဖို့လာခေါ်တာပါ လာဖမ်းတာမဟုတ်ပါဘူး။” လို့တောင် သေသေချာချာ ရှင်းပြခဲ့ပါသေးတယ်။ ကိုကျော်မင်းကို ခေါ်ဆောင်၍မရရှိသောကြောင့် ညှိနှိုင်းပေးမည့်အစီအစဉ်ပါ ပျက်ခဲ့ရပါတယ်။ ထိုနေ့ညမှာ ကိုကျော်မင်းသည် 6star အရက်ဆိုင်မှာ ဂျပန်ကြီး၊ ကိုမျိုးဇော်တို့နှင့်အတူ အရက်သောက်ပြီး နွယ်သာကီ(၈)လမ်းနေ ဂျပန်ကြီးအိမ်တွင်သွားအိပ်ခဲ့ပါတယ်။ နယ်မြေခံရဲတပ်ဖွဲ့မှလည်း ပွဲတော်ရက်အတွင်း ခိုးဆိုးလုယက်မှု မဖြစ်ပွားစေရေးအတွက် (က)ရပ်ကွက်အတွင်း လုံခြုံရေးဆောင်ရွက်လျှက်ရှိနေပါတယ်။ ကိုကျော်မင်းကို ဂျပန်ကြီးအိမ်မှာအိပ်ကြောင်း သတင်းရသော်လည်း သွားရောက်ဖမ်းဆီးခြင်းမျိုးမပြုလုပ်ခဲ့ကြပါ။ ကိုကျော်မင်းမှာ မိဘများမရှိတော့ပါ။ မောင်နှမ (၄)ဦးသာရှိခဲ့ပြီး သူမှာ ကုန်တင်ယဉ် LightTrack မောင်းသည်အထိ အတိအကျ စုံစမ်းသိရှိထားပါတယ်။ ထို့ကြောင့် ပြန်လည်ညှိနှိုင်းပေးရန်အတွက် ဝေဘာဂီအုပ်ချုပ်ရေးအဖွဲ့နှင့် နယ်မြေခံရဲတပ်ဖွဲ့တို့သည် ကိုဇော်မင်းနှင့် သူ့ပထွေးအား သွားခေါ်သောအခါ ညဘက်ကြည့်မြင်တိုင်ငါဈေးတွင် အလုပ်လုပ်သူများဖြစ်သဖြင့် အလုပ်သွားကြသောကြောင့် ခေါ်ဆောင်၍မရရှိခဲ့ပြန်ပါဘူး။ ထို့ကြောင့် အုပ်ချုပ်ရေးအဖွဲ့နှင့် ရဲအဖွဲ့မှ ထိုကိစ္စအား နှစ်ဖက်စလုံး ခေါ်ဆောင်မရရှိနိုင်သဖြင့် ညှိနှိုင်းပေးနိုင်းခြင်းမရှိခဲ့သလို အရေးယူဆောင်ရွက်နိုင်ခြင်းလဲ မရှိခဲ့ပါဘူး။

၁၇.၁၁.၂၀၁၁ ရက်နေ့ ညနေ၆နာရီ ၃၀မိနစ် အချိန်တွင် (က)ရပ်ကွက်နွယ်သာကီ(၆)လမ်းနှင့် မေယုလမ်းထိပ်တွင် နံပါတ်ပြားကိုပိတ်ကာထားသော SuperRoof အဖြူရောင် (၁)စီး သည် မေယုလမ်းထိပ်ရှိ ဆေးဆိုင်ရှေ့သို့ လည်းကောင်း နံပါတ်ပြားပိတ်ထားသော Light Track အဖြူရောင် (၁)စီး သည် မေယုလမ်းထိပ်ရှိ လက္ဘက်ရည်ဆိုင်သို့လည်းကောင်း အသီးသီး ထိုးရပ်ခဲ့ပြီး ချက်ချင်းပင် ဆေးဆိုင်ရှေ့ရပ်ထားသော SuperRoof ပေါ်မှ မျက်လုံးအောက်တွင် ပ၀ါများစီးပြီးရုပ်ဖြတ်ထားသော လူ(၅)ဦးသည် ဒါးရှည်များကိုင်ကာဆင်းလာပြီး Light Track ပေါ်တွင်လည်း ရုပ်ဖြတ်ထားသော ဒါးကိုင်သူ (၁၃/၁၅)ဦးခန့်ပါဝင်ပြီး ထိုထဲမှ (၃/၄)ဦးဆင်းလာကာ ကျန်လူများမှာ ကားပေါ်တွင် အသင့်ဆောင့်ဆိုင်းနေပါတယ်။ ထိုဒါးကိုင်းသူများမှာ ထောင်ထောင်မောင်းမောင်း သန်မာသူများဖြစ်ကြပါတယ်၊ အရပ်ပုသူများလဲ ပါပါသေးတယ်။ ကားပေါ်မှ ဆင်းလားသူများမှာ ရပ်ကွက်သူရပ်ကွက်သားများကို “မဆိုင်သူမကပ်နဲ့ဟေ့” ဟု ဒါးများပြကာ ခြိမ်းခြောက်ဟန့်တားနေစဉ်မှာပဲ ဒါးကိုင်သူ (၃)ဦးမှာ နွယ်သာကီ(၆)လမ်းထိပ်ဘက်ရှိ 6star အရက်ဆိုင်ထဲသို့ဝင်ပြီး TV ကို Remove ဖြင့်ဖွင့်နေသူ ကိုကျော်မင်းအား ဒါးဖြင့်ဝင်ရောက်ခုတ်ကြရာ ကိုကျော်မင်းမှာ ဆိုင်အတွင်းရှိ ထိုင်ခုံများဖြင့် ခုခံပြီး ဆိုင်အတွင်းမှထွက်ပြေးစဉ် ဆိုင်ရှေ့တွင်အသင့်ဆောင့်နေသော ဒါးကိုင်သူတစ်ဦးမှ အရှိန်ဖြင့် ဆောင့်ထိုးရာ ညာဘက်နို့အုံကိုထိပြီး ကျောထိပေါက်ထွက်ခဲ့ပါတယ်။ ကိုကျော်မင်းမှာ ဆက်ပြီးပြေးခဲ့ရာ အခြားလမ်းတစ်ဘက်ရှိ ဆံပင်ညှပ်ဆိုင်အတွင်းသို့ ၀င်ရောက်လွတ်မြောက်သွာခဲ့ပါတယ်။အခင်းဖြစ်ပွားချိန်မှာ မိနစ်ပိုင်းသာ ကြာပြီး ဒါးကိုင်သူများမှာ ကား(၂)စီးဖြင့် လူစည်ကားရာအရပ်သို့ ညင်သာစွာ ထွက်ခွာသွားသည်ကို မည်သူတစ်ဦးတစ်ယောက်မှ “ဒါးနှဲ့ထိုးပြီးထွက်ပြေးတယ်ဟေ့၊ ၀ိုင်းထားကြ” လို့တောင် မပြောကြပါဘူး။ ဒါးနှင့် လာထိုးသူ (၁၈/၂၀) ဦးခန့် စီးလာသောကား (၂)စီးသည် လူထူထပ်ရာဘက်မှ ညင်သာစွာ ထွက်ခွာသွားသည်ကို ကြောက်ရွံ့တုန်လှုပ်စိတ်များဖြင့် ကြည့်နေကြသလောဟုပင် မေးရတော့မလိုပါပဲ။
ကိုကျော်မင်းမှာ ဆံပင်ညှပ်ဆိုင်အတွင်းသို့ထွက်ပြေးလွတ်မြောက်ခဲသော်လည်း ဦးခေါင်းတွင် ဒါဏ်ရာ (၁)ချက်၊ ဂုတ်ပိုးနောက်စေ့အောက်တွင် (၁)ချက်၊ ညာလက်ဖျံတွင် အသားများပြတ်ထွက်သည့် ဒဏ်ရာများရရှိခဲ့ကာ မြောက်ဥက္ကလာပဆေးရုံကြီး အရေးပေါ်ဌာနတွင် ဆေးဝါးကုသမှုခံယူခိုက် (၁)နာရီကျော်အချိန်တွင် သေဆုံးသွားခဲ့ပါတယ်။ ထို့ကြောင့် နယ်မြေခံ ဝေဘာဂီရဲစခန်းမှ (ပ)၅၂၂/၂၀၁၁ ပုဒ်မ ၃၀၂/၂၀၁၁ ဖြင့်ချက်ချင်းအမှုဖွင့်ခဲ့ပါတယ်။ နယ်မြေခံရဲတပ်ဖွဲ့မှလည်း ပြစ်မှုကျူးလွန်သူတို့ နောက်သို့ချက်ချင်းမလိုက်နိုင်ဘဲ ၀ိုင်းအုံလားသော ပြည်သူလူထုကို ဖြေရှင်းပေးနေခဲ့ရပါတယ်။ ထိုသို့ ပြည်သူလူထု စိတ်ခြောက်ခြားစရာ ဒါးထိုးမှုဖြစ်စဉ်ကို မြို့နယ်ရဲတပ်ဖွဲ့မှုးမှ လာရောက်၍ ကိုယ်တိုင်စစ်ဆေးဖော်ထုတ်နေစဉ် (က)ရပ်ကွက်သူရပ်ကွက်သားများမှာ အုပ်ချုပ်ရေးမှုးရုံးသို့ ၀ိုင်းလာပြီး “သက်ဦးကလူငှားပြီးသတ်ခိုင်းတာ သက်ဦးကိုချက်ချင်းဖမ်းပေး” ဟုဆော်သြလှုံဆော်ကြသော်လည်း တာဝန်ရှိသူရဲတပ်ဖွဲ့မှ အမှုဖွင့်ခြင်း၊ နယ်မြေသတင်းစုံစမ်းခြင်း၊ သက်သေများစစ်ဆေးခြင်း၊ တရားခံများ၏ ပုံသဏ္ဍာန်ကို ခဲပန်းချီရယူခြင်း စသောလုပ်ငန်းများကို ဒေါသထွက်နေသော လူထုကြီးကြားမှ ထိုးဖောက်ရယူနိုင်ခဲ့ကြပါတယ်။ နယ်မြေခံရဲတပ်ဖွဲမှ ဒေါသထွက်နေသော လူအုပ်ကြီးအား ရှင်းလင်းမရနိုင်၍ ခရိုင်ရဲမှုးကိုယ်တိုင် လာရောက်ဖြေရှင်းပေးခဲ့မှ ညိမ်းချမ်းသွားခဲ့ကြပါတယ်။ ညတွင်းချင်းပင် ကိုသက်ဦးနှင့် သားဖြစ်သူသက်ဇော်တို့ကို ရဲကားဖြင့်သွားရောက်ဖမ်းဆီးကြတော့လဲ ရဲကားကိုပင်ခဲနှင့် ထုခံရပါတယ်။ သို့သော်လည်း ကိုသက်ဦးတို့မိသားစုအား အချိန်မှီဖမ်းဆီးနိုင်ခဲ့ကြပါတယ်။ ထိုအချိန်တွင်ပင် နယ်မြေခံ ရဲတပ်ဖွဲ့မှ ကိုမျိုးကြီး နှင့် ကိုဇော်မင်းတို့ကို အချိန်မှီထပ်မံဖမ်းဆီးခဲ့ကြပါတယ်။ ခရိုင်ရဲတပ်ဖွဲ့မှုးကိုယ်တိုင်အနီးကယ်ကြီးကြပ် စစ်ဆေးဖော်ထုတ်မှု၊ ညွှန်ကြားမှုတို့ဖြင့် မြောက်ဥက္ကလာပမြို့နယ် ရဲတပ်ဖွဲ့မှုး၊ ဝေဘာဂီရဲစခန်းမှုး၊ နယ်ထိန်းခေါင်းဆောင်၊ အထူးမှုခင်းနှိမ်နှင်းရေး အဖွဲ့တို့မှ အချိန်နှင့်တပြေးညီ အားကျိုးမန်တက် စုံစမ်းဖော်ထုတ်ခဲကြပါတယ်။ ထို့အတူ ရန်ကုန်တိုင်းဒေသကြီး ရဲတပ်ဖွဲ့မှလည်း ပြည်သူလူထု စိုးရိမ်ထိတ်လန့်ဖွယ်ဖြစ်သော၊ ရွံရှာမုန်းတီးဖွယ်ဖြစ်သော လူသတ်မှုကြီးအား ၀ိုင်းဝန်းဖော်ထုတ်လျှက်ရှိကြောင်းကိုလည်း တိုင်းရဲတပ်ဖွဲ့ မှသတင်းရရှိပါတယ်။

ပြစ်မှုကျူးလွန်ရာတွင် နောက်ကွယ်မှ စေခိုင်းသူဟု ရပ်ကွက်ပြည်သူများက ထင်ကြေးပေးသော ကိုသက်ဦးနှင့်သူ၏သား သက်ဇော်၊ ကိုသက်ဦး၏ဇနီး မသီတာ၊ တူဖြစ်သူ မျိုးကြီး၊ ကိုဇော်မင်းတို့အား ဖမ်းစီးစစ်ဆေးခဲ့ရာမှ (၆/၇) ရက်ခန့်အကြာတွင် အမှုမှတ်ပေါ်ပေါက်ခဲပါပြီ။ ပြစ်မှုကျူးလွန်သူ၊ ကြံစည်ပေးသူ (၉)ဦးအား မြန်မာနိုင်ငံရဲတပ်ဖွဲ့မှ ဖမ်းဆီးပြီး ဖြစ်သလို လူသတ်မှုကျူးလွန်သူများကိုလည်း သိရှိပြီးဖြစ်ကြောင်း သိရပါတယ်။ ပြစ်မှုကိုကျူးလွန်သူတချို့မှာ ထွက်ပြေးနေသောကြောင့် ရန်ကုန်တိုင်းဒေသကြီးမှ ရဲတပ်ဖွဲ့ဝင်များ စွမ်းစွမ်းတမံ ရှာဖွေဖော်ထုတ်လျက်ရှိကြောင်း ခိုင်မာသော သတင်းရပ်ကွက် မှရရှိထားသောသတင်းကို အတင်းအဖျင်းကြားမှ မြန်မာပြည်သူများ မျက်စိမလည်ရအောင် သတင်းစကားအမှန်ကို နေ့ရက်၊ အချိန်ကအစ နေရာပါ အတိအကျ ဖြစ်အောင် စုစောင်းနေရသဖြင့် အမှုမှန်ပေါ်ပေါ်ခြင်း မတင်ပြပေးနိုင် သည်ကို ခွင့်လွတ်ကြစေလိုကြောင်း တောင်းပန်အပ်ပါသည်။ ပြည်သူလူထုအပေါင်း ကိုယ်စိတ်နှစ်ဖြာ ကျန်းမာ ချမ်းသာကြပါစေ။