အင်တာနက်နှင့် Virus ပြဿနာ

ယနေ့ခေတ်မှာ ကျွန်တော်တို့တွေဟာ အင်တာနက်ကို တွင်ကျယ်စွာ အသုံးပြုလာနိုင်ကြခြင်း ကြောင့် အင်တာနက်ကနေ ဗဟုသုတရရှိခြင်း၊ အချိန်ကုန်သက်သာစွာဖြင့် လုပ်ငန်းဆောင်တာများ ဆောင်ရွက်နိုင်ခြင်း၊ ငွေကုန်သက်သာစွာဖြင့် ဆက်သွယ်ရေးလုပ်ငန်းများကိုပြုလုပ်နိုင်ခြင်း စသည်ဖြင့် များစွာသော အကျိုးကျေးဇူးတွေ ရရှိလာခဲ့ပါတယ်။ ဒီလိုကောင်းကျိုးတွေနဲ့အတူ တွဲပါလာတဲ့ ဆိုးကျိုးတွေ၊ ပြဿနာတွေလည်း ကိုလည်း ကြုံတွေ့ခံစားရပါတယ်။ အင်တာနက်ကနေ ရလာတဲ့ ပြဿနာတွေထဲကမှ အခုကျွန်တော်ပြောပြချင်တာက
အင်တာနက်ထဲက Virus တွေပါ။
Computer Virus ဆိုတာကတော့ အင်တာနက်ကမှ ကူးစက်ပြန့်ပွားတာမဟုတ်ပါဘူး၊ နေ့စဉ် ကျွန်တော်တို့ အသုံးပြုနေကြတဲ့ CD တွေ၊ Memory Stick တွေ၊ Memory Card တွေလို Media တွေကလည်း ၀င်နိုင်ပါတယ်။ ဒါပေမယ့်ဗျာ အဲဒီ့ Media တွေက ကူးစက်နိုင်မူနှုန်းက နှေးကွေးသလို ပြန့်နှံ့မှု Area ကလည်း ကျဉ်းတယ်ဗျ။ ဥပမာဗျာ US မှာရှိတဲ့ Computer Virus တစ်မျိုးပေါ့ဗျာ အဲဒီ့မှာရှိတဲ့ User တစ်ယောက်ပေါ့ဗျာ မောင်မောင်ဆိုပါဆို့ သူ့ကွန်ပျူတာထဲမှာရှိနေတယ်ပေါ့ ဒါဆို သူ့စက်ထဲက Virus က ဒီမြန်မာပြည်က ထွန်းထွန်းရဲ့ Computer ထဲကို ရောက်ဖို့ဆိုရင် သူမြန်မာပြည်ကိုလာတဲ့အခါ သူ့Computer ကိုယူလာမှ ဒါမှမဟုတ် သူ့ကွန်ပျူတာနဲ့တွဲသုံးမိတဲ့ Memory Stick က ထွန်းထွန်း Computer နဲ့တွဲသုံးမိမှ ရောက်လာနိုင်တယ် ကူးစက်နိုင်တယ်ပေါ့ဗျာ။ အဲ့ဒီ့အပြင် တစ်ခြား User တွေဆီကူးဖို့ကလည်း ကြာနိုင်တယ် နေရာအနှံ့လည်းမရောက်နိုင်ဘူးပေါ့။ အဲ အင်တာနက်တပ်ဆင်ထားတယ် ဆိုရင်တော့ US က မောင်မောင်ရဲ့ ကွန်ပျူတာကနေ မိနစ်ပိုင်းအတွင်း မြန်မာပြည်က ထွန်းထွန်း Computer ထဲကို Virus က ကူးစက်လာနိုင်သလို၊ အခြား ကမ္ဘာအနှံ့က Internet User တွေဆီကိုလည်း လျင်မြန်စွာကူးစက်နိုင်ပါတယ်။ ဒါကြောင့် အင်တာနက်ကနေ Virus ကူးစက်မှု ပြဿနာဟာ တစ်ခြား Media တွေက ကူးတာထက်ပိုမို ဆိုးရွားပြီး အန္တရာယ်ကြီးပါတယ်။
ဒါဆိုရင် အင်တာနက်ကနေ Virus ကူးစက်မှုမြန်တယ်၊ ပြဿနာကြီးတယ်ဆိုတာတော့ သိပြီပေါ့။ ဒါပေမယ့် အင်တာနက်ကနေ Vrius ကူးတယ်သာသိတာ ဘယ်လိုကူးလဲမသိတဲ့သူတွေ ရှိမှာပဲ၊ ဒါ့အပြင် သူများတွေပြောပြောနေကြတဲ့ Spyware တွေ၊ Adware တွေ၊ Worm တွေအကြောင်းလည်းသိချင်ကြမှာပဲ။ ဒါဆို ဆက်ပြီးပြောပြမယ်နော်။
ဘယ်လိုကူးတယ်ပျံနှံ့တယ်ဆိုတာမပြောခင် အဲ့ Spyware တွေ၊ Virus တွေ၊ Adware တွေ၊ Worm တွေကို ဘယ်လို ရည်ရွယ်ချက်တွေနဲ့ ကူးစက်အောင် ဖြန့်ကြ ပို့ကြတယ်ဆိုတာ အရင် ပြောပြမယ်နော်။ အဲ့ဒီ့ Virus တွေ Spyware တွေရေးတဲ့သူတွေထဲမှာ User တွေကို ဒုက္ခ ပေးဖို့သက်သက်၊ ငါတတ်ကြောင်းပြဖို့သက်သက်ရေးတဲ့သူတွေရှိသလို၊ User တွေရဲ့ ပုဂ္ဂိုလ်ရေး အချက်အလက်တွေရယူချင်လို့၊ လုပ်ငန်းအဖွဲ့အစည်းတွေ့ရဲ့ အရေးကြီးတဲ့ Data တွေလိုချင်လို့၊ ကိုယ့်ရဲ့ပြိုင်ဖက် နည်းပညာ ကုမ္ပဏီတွေကို တိုက်ခိုက်ချင်လို့လည်းပါတာပေါ့ဗျာ။


ဘယ်လိုပျံ့နှံ့အောင်လုပ်လည်းဆိုတော့ ကိုယ့်ရဲ့သူငယ်ချင်းအယောင်ဆောင်ပြီး E-Mail တွေပို့မယ်၊ ကိုယ်သုံးနေကြ နာမည်ကြီး Website တွေကနေပို့သလို အတုအယောင် E-Mail တွေပို့မယ် အဲဒီ့အခါ အဲ့ Mail တွေမှာပါတဲ့ Attachment တွေကို ဖွင့်မိ Download ယူမိတဲ့အခါ ကိုယ့် ကွန်ပျူတာထဲကို သူတို့ရဲ့ Virus တွေ Spyware တွေ စတဲ့ Program တွေက ၀င်ရောက်လာပြီး ကိုယ့်ရဲ့ Computer ရဲ့ Operating System ကိုဒုက္ခပေးမယ်၊ ကိုယ်လုပ်သမျှစောင့်ကြည့်နေမယ့် Spyware တွေက ကိုယ့်ရဲ့ E-mail User name နဲ့ Password တွေကို၊ Bank အကောင့်နံပါတ်တွေ၊ Code No. တွေကို မှတ်သားပြီး သူတို့ရဲ့ Server တွေဆီကို လှမ်းသတင်းပို့ပေးမယ်ပေါ့ဗျာ။ အဲဒီ့တော့ စာဖတ်သူပဲစဉ်းစားကြည့်လေ ကိုယ့် E-mail Password တွေ Bank အကောင့်တွေ ကိုသူတို့ရသွားပြီဆိုမှတော့ Online ICT စာဖတ်သူတွေ စဉ်းစားမိမှာပါ၊ ကဲ မစဉ်းစားချင်ဘူးကွာ ခင်ဗျားပဲဆက်ပြောဆိုလည်း ဟုတ်ကဲ့ ဆက်ပြောပြပါမယ်။ Bank အကောင့်တွေရမှတော့ ခင်ဗျားတို့ ပိုက်ဆံတွေ ပြောင်ပြီပေါ့ဗျ၊ နောက်ပြီးတော့ ခင်ဗျားတို့ရဲ့ Personal အချက်အလက်တွေ ရသွားတဲ့အခါ အဲ့အချက်အလက်တွေကို မပျံ့နှံ့စေချင်ရင် သူတို့ကို ငွေဘယ်လောက်လွှဲဆိုပြီး ချိန်းခြောက်မယ်ပေါ့။ ဥပမာ ခင်ဗျားက Shakira နဲ့ရှုပ်နေတဲ့အကြောင်း ခင်ဗျားအိမ်က လေဒီကြီးအပါအ၀င် တစ်ကမ္ဘာလုံးမသိစေချင်ရင် သူတို့ကို ဒေါ်လာ ၁ သိန်းလွှဲပေါ့၊ ဟဲဟဲ ရှုပ်ချင်နေပြီမှတ်လား…..အဲ ဟုတ်ပါဘူး အဲလိုမဖြစ်ချင်ဘူးမှတ်လား ပြောပြမှာပေါ့ ဘယ်လိုကာကွယ်ရမလဲဆိုတာ လောလောဆယ်တော့ ဘယ်လိုတွေ ထပ်ပြီးကူးနိုင်လည်းဆိုတာ ဆက်နားထောင်ပါဦး။

နောက်တစ်မျိုးကူးနိုင်တာတွေက Internet သုံးနေရင်းနဲ့ကို ကြော်ငြာတွေ၊ မက်လောက်စရာ အဲ ၀ိုင်းစုခိုင်သိန်းသီချင်းမဟုတ်ဘူးနော် အဲဒီ့ မက်စရာ Message တွေကို Click နှိပ်မိ၊ ၀င်ကြည့်မိတာကြောင့်လည်းကူးနိုင်တယ်၊ ဥပမာဗျာ သင် အင်တာနက်သုံးနေရင်း သူတို့ Site က ရှာဖွေနေတဲ့ ကံထူးရှင်ဖြစ်သွားတယ်ပေါ့၊ ထီပေါက်တယ်ပေါ့၊ US က Green Card ရမယ်ပေါ့၊ လူတစ်ယောက်က ခင်ဗျားကို ဒေါ်လာတစ်သောင်းလွှဲလိုက်တယ်ပေါ့ ဗျာ။ အဲဒီ့အခါ ၀မ်းသာအားရနဲ့ ငါတော့ ကံထူးတယ် ကံကောင်းတယ်၊ ဟိုလူတော့ငါ့ကို လူမှားပြီး ငွေလွှဲလိုက်တယ်ဆိုပြီး အဲ့ Website ထဲဝင်လိုက်တဲ့အခါ သူတို့ပြထားတဲ့ Yes လိုမျိုး Button တွေနှိပ် မိတဲ့အခါ အဲဒါတွေနဲ့ချိတ်ထားတဲ့ Virus တွေ Spyware လို Program တွေဝင်လာနိုင်တာပေါ့။ နောက် Internet သုံးနေရင်း သူ့အလိုလို Game လေးတွေပေါ်လာတယ်ဗျာ ကာတွန်းရုပ်လေးတွေ အကောင်လေးတွေကိုထိအောင်ပစ်ပေါ့ ဥပမာ ၅ ချက်ထိအောင်ပစ်ပေါ့ အဲ ကိုယ့်ပစ်လို့ ၅ ချက်လည်းပြည့်ကော အဲ့ Website ထဲရောက်သွား၊ ကိုယ့်ထဲကိုလည်း သူတို့ရဲ့ Program တွေရောက်လာပေါ့ အဲလို ကြော်ငြာတွေကို Adware လို့လည်းခေါ်တယ်ဗျ။

ကဲ အဲ့လိုတွေ မခံရအောင် ဘယ်လိုသုံးစွဲကာကွယ်ရမလည်းဆိုတာလည်း ပြောပါရစေဦး။ ကာကွယ်ရှောင်ရှားဖို့အတွက်ကတော့ ရှင်းပါတယ်ဗျာ၊ ကိုယ့်ဆီ ၀င်လာတဲ့ E-mail တွေကိုမှာ ကိုယ်မသိတဲ့ Site တွေကပို့တဲ့ E-mailတွေ၊ တွဲပါလာတဲ့ Attachment တွေကို ရမ်းမဖွင့်နဲ့။ Adware တွေရဲ့ Message တွေ ကြော်ငြာတွေကို ယုံကြည်ပြီး ခေါ်တိုင်းမလိုက်နဲ့ အဲလေမှားလို့ အဲ့ Site တွေထဲဝင်မကြည့်နဲ့ နှိပ်စရာလို မြင်တိုင်း အဲဟုတ်ပါဘူး Button မြင်တိုင်း Click မနှိပ်နဲ့ပေါ့ဗျာ။ နောက် ကိုယ်က အိမ်တွေရုံးတွေမှာ အင်တာနက်တပ်ထားတယ်၊ သုံးနေတယ်ဆိုရင် Internet Security, Total Security စတဲ့ Software တွေသွင်းထားပြီး ကာကွယ်ထားသင့်တယ်၊ ကိုယ့် Computer ရဲ့ Windows Firewall ကိုလည်း On ထားသင့်ပါတယ်။ ကျွန်တော်ပြောချင်တဲ့ အင်တာနက်နဲ့ Virus ပြဿနာကတော့ ဒီလောက်ပါပဲ။ စာဖတ်ပရိသတ်ကြီးလည်း ဖတ်ရတာ ကျေနပ်လိမ့်မယ်လို့ထင်ပါတယ်။ အင်တာနက်သုံးရင်း တွေ့ကြုံကြတဲ့ Virus ပြဿနာများမှ ကင်းဝေးကြပါစေ။