ကျောက်တုံးကြီးမှာ ကျိုက်ထီးရိုးဘုရား ကျောက်တုံးကြီးကဲ့သို့ပင် အလားသဏ္ဌာန် တူညီသော ကျောက်တုံးစွန်း တစ်ခုတွင် တည်ရှိနေပြီး အောက်ခံ ကျောက်တုံး အစွန်း၌ ဟန်ချက်ညီစွာ တည်ရှိနေပြီး
တွန်းကြည့်က လှုပ်၏။ အောက်ခံ ကျောက်မျက်နှာပြင်နှင့် အပေါ် ကျောက်တုံး ထိစပ် မျက်နှာပြင်အောက်မှ ဝါးခြမ်းပြားနှင့် ထိုးကြည့်လျှင် လွတ်ကြောင်း တွေ့ရှိရသည်။ ၎င်း ကျောက်တုံးကြီး တည်ရှိရာ
နေရာမှာ နေပြည်တော် ပျဉ်းမနားမြို့
အရှေ့ဘက် ပေါင်းလောင်းမြစ်အား ကျော်လွန်ပြီး တောင်ပေါ် ကျေးလက်တိုင်းရင်းသားများ နေထိုင်ရာ ကူးတို့ဆိပ် ကျေးရွာအုပ်စု တောင်ဘက်စွန်း ရွှေပြည်သာယာ
ကျေးရွာ အရှေ့တောင်ဘက် ကျောက်အိုင် တောင်ကြောပေါ်တွင် တည်ရှိပြီး ပျဉ်းမနားမြို့မှ သွားလျှင် ၁၂ မိုင် ၁၃ မိုင်ခန့် ဝေးကြောင်း သိရသည်။ ကျောက်တုံးကြီး တည်ရှိမှန်း သိရှိဖော်ထုတ်သူမှာ
ပျဉ်းမနားမြို့၊ ကန်ဦးကျွန်းတော ဘုန်းတော်ကြီးကျောင်းမှ ဆရာတော် ဦးမာနိတ ဖြစ်ပြီး ဆရာတော်အား ၎င်းအရပ်၌ ကျိုက်ထီးရိုးဘုရား အဆင်းသဏ္ဌာန်တူ ကျောက်တုံးကြီးရှိကြောင်း အိပ်မက်အရ
ဆရာတော် ဦးမာနိတနှင့် ပျဉ်းမနားမြို့မှ ဓာတ်ပုံဗီဒီယို ရိုက်ကူးရေး လုပ်ငန်း လုပ်သူ ဦးချစ်ကို၊ အဖော်နှစ်ဦး ပေါင်း လေးဦးတို့သည် အိပ်မက်ပါအတိုင်း ၎င်းအရပ်သို့ သွားရောက်၍ ဒေသခံတစ်ဦး
ဖြစ်သည့် ကိုဟန်ငြိမ်းဦး ဆိုသူအား ဤတောင်ကြောပေါ်တွင် ကျိုက်ထီးရိုးဘုရား အလားသဏ္ဌာန်တူ ကျောက်တုံးကြီးများ တွေ့မိသလား မေးမြန်းရာမှ ဤတောင်ကြောတွင် အမှန်တကယ် ရှိကြောင်း
ပြောသဖြင့် ကိုဟန်ငြိမ်းဦး လမ်းပြရှာဖွေရာမှ တွေ့ရှိခဲ့ကြောင်း ဆရာတော် ဦးမာနိတက မိန့်ကြားသည်။
“ဒီကျောက်တုံးကြီးက ဟိုကတည်းက ရှိနေခဲ့တာ။ ကျွန်တော်တို့ တောင်ကြောပေါ် ဒီကျောက်တုံးကြီးအောက် လိုဏ်ဂူထဲမှာ မီးသွေးဖုတ်စဉ်က ဒီကျောက်တုံးကြီးက တင်ရုံ တင်နေတာ။
ငလျင်တွေဘာတွေလှုပ်ရင် ကျောက်တုံးကို ပြုတ်ကျရင် အခက်တွေ့မယ်ဆိုပြီး ကုတ်နဲ့ လူငါးဦးခန့် ကုတ်နဲ့ ကော်ချခဲ့ဖူးတယ်။ လှုပ်သာလှုပ်တယ် ပြုတ်ကျမသွားဘူး” ဟု ဦးသိန်းလွင် (တပ်မတော်အငြိမ်းစား) ယခု ရွှေပြည်သာယာ ဘုန်းတော်ကြီးကျောင်း ဆရာတော် ဖြစ်နေသည့် ဦးသုမနက ပြောပြသည်။ ကျောက်တုံးကြီး၏ အရွယ်အစားမှာ လုံးပတ် ၃၈ ပေ ၁၀ လက်မ၊ အလျား ၁၈ ပေ၊ အနံ ၁၁ ပေ လေးလက်မ၊ အမြင့် ၁၀ ပေ လေးလက်မ ရှိပြီး အောက်ခံ ကျောက်ပြားနှင့် ကျောက်တုံး ထိစပ် ဧရိယာ အလျား သုံးပေ ၉ လက်မ၊ အနံ နှစ်ပေ နှစ်လက်မ ရှိကြောင်း၊ ကျောက်တုံးကြီး ကျောက်စွန်းထွက် ဧရိယာမှာ ၆၆ ပေ ရှိကြောင်း သိရသည်။ “ဒီတောင်ကြောကိုတော့ ကျောက်အိုင်တောင်ကြောဟု ခေါ်တယ်။ ဘာလို့ ကျောက်အိုင်တောင်ကြောလို့ ခေါ်လဲဆိုရင် ဒီတောင်ကြောပေါ်မှာ အခု ကျောက်တုံးကြီးနှင့် အနီးပတ်ဝန်းကျင်မှာ ကျောက်အိုင်ကြီး ရှိပြီး ဒီကျောက်အိုင်ရဲ့ ရေအနက်ကတော့ လူကြီး လက်ခုပ်တစ်ဖောင် နက်တယ်။ အကျယ်ကတော့ ၁၅ ပေ ပတ်လည်ခန့် ရှိမယ်။ ကျောက်အိုင်ရဲ့ အနီးဝန်းကျင်မှာတော့ နတ်ရေတွင်း တစ်ခု ရှိတယ်။ အနက် တစ်ပေခွဲလောက် ရှိတယ်” ဟု ၎င်း ဒေသခံ ကိုဟန်ငြိမ်းဦးက ပြောသည်။ ယခုအခါ ၎င်း ကျောက်တုံး အထက်၌ စေတီတစ်ဆူ တည်ရန်အတွက် သာသနာရေး ဝန်ကြီးဌာနသို့ လျှောက်ထားရန် ဂေါပက အဖွဲ့များ ဖွဲ့စည်း ဆောင်ရွက်သွားမည် ဖြစ်ကြောင်း၊ ၎င်း ကျောက်တုံးကြီးအား လာရောက် လေ့လာသူများ မကြာခဏ ရောက်ရှိကြောင်း သိရသည်။
No comments:
Post a Comment